إستحلابك بهجة حزنك
..
شالت حطت فيك أشجان
طلعت بيك من جوه كيانك
جريت بيك ع اللا إنسان
وانت هناك ....
مستني حتوف الأرضيين
بتعد سنين ..
بتمطر فيها الأرض
رصاص
وتنبت فيها السما
شياطين
وتلون حلمك بالأسرار
محتاجك ترجع ليا نهار
..
مطهر بعد جماع الليل
وتشيل من قلبي الاستنكار
!
أنا لسه بشوفك بالشقلوب
..
من غير مغاليط
انسان شفاف ....
بتصور ذاتك من غير
روح
بتلاعب قلبك ع المشاريب
وتعبي جيوبك صوت فيروز
وتشغل موج البحر وسيط
..
لحضور الروح .
محتاجك تبقى معايا
ف روح
بتنقط فرح العمر دموع
.
ــــــــــــــــ
الأنابيش : ما نبش
وخرج على السطح
ليست هناك تعليقات:
إرسال تعليق