شارع ف قلبك منتهاه
شارع ..
بيجوب بواطنك وإنت
مش مانع
ولفين تعود من سكنتك
وحدودك المولودة بيك
جهلتك
عنقود عنب ..
ف الروح طلب .. منك
طلب
فإياك تعاكس قبلتك
فند بداخلك لايحتين
وقانونه حاكم دولتين
..
مش مستعد تناظر المشطور
أنا
ده أنا منذ عهدي بالمجاهيل
انفتحت
وإنت شطحت ف دولتك
كالأبعدين
يا مستبين ف العقل
..
فينك ف الضمير ؟!
أثيرك الروحي انسحب
ولاَّ خوفك مني كان
هو السبب ؟
أنا بعترف إني أصبحت
إلتزام
رغم إستيائي من نواميس
التخلف
أقحمت نفسي ف العوام
وشربت من روحهم
..
حطام المعرفة بالمستحيل
وصنعت لسيادتك دليل
تعرفني بيه
لكن لازلت ف دولتك
وبرتجف
من إمتزاج جزئي ف
جزءك ..
ف الحدود
ليست هناك تعليقات:
إرسال تعليق