إشارات عن كون محذور
قدام
بتفتح عين الكون
وتشنج فيه أسرار
يختزل الماضي بموت
ويموت ف غياب الجاي
ليعود بإشارة يبوح
ويسلفن نفس الروح
بحوائل من ألفاظ
ودواير من تعويق
يحسبها العقل دوار
تحسبها الروح أسرار
عن عالم لسه برئ
متجسد زي سكون
مستني الفوضى تشوف
..
الصح بيحلف زيف
القوة بترجف خوف
..
في عالم لسه برئ
بيشاور بالتهاويم
ويغني بنص لسان
ألعابه المستحيلات
وصحابه حروف وأرقام
..
بتدور في دواير ميم
بتسجل صوته بلون
وتلون صورته بصوت
تسمعها براءته تدوخ
كالوهم الخايف موت
من شبح المنخفضات
أحلامه الماضي ظنون
أحلامه الجاي يقين
..
على هامش خط إديه
كسوامح من ملكوت
اتسخر ليه ليشوف
الحرق لكوم سرابات
والجني لمنتج ميم
يختزن العايش موت
ده لانه اتشحن الموت
من بعد ميلاده بيوم
ليست هناك تعليقات:
إرسال تعليق